Connect with us

Македонија

Филипче: Се соочуваме со силен бран на вирусот – почнуваме паралелна постапка за брзи тестови

Published

on

Почнуваме со уште една паралелна постапка, забрзана со скратени рокови, за што чекаме мислење од Бирото за јавни набавки, за брзите тестови, за да имаме една количина која може порано да стигне, во однос на она што иницијално го започнавме, изјави на денешната прес-конференција министерот за здравство Венко Филипче.

Тој потенцираше дека се соочуваме со многу силен бран на вирусот, што значајно ги оптеретува сите сегменти  во здравствениот систем, односно, лабораториските капацитети, тестирањата и болничкото сместување на пациентите.

„Разговаравме и за огромната потреба за тестирање и во таа смисла се обезбедија дополнителни капацитети, број на тестови во повеќе институции. На дневно ниво, 150 повеќе во Институтот за јавно здравје, 100, односно двојно повеќе во Центарот за јавно здравје,  што го обезбедуваме со лекар микробиолог кој ќе работи и втора смена и 100 во лабораторијата во болницата Козле, значи 350 повеќе тестирања во текот на денот“, рече Филипче.

Тој посочи дека за во среда е закажан состанок со сите приватни интернисти, вкупно 56 на број во земјава кои имаат договор со фондот, за да може да се вклучат во системот на дежурства во болниците каде се лекуваат пациенти заболени од Ковид-19.

Во однос на болничките капацитети, министерот посочи дека во модуларната болница до Инфективната клиника која неодамна почна да прима заразени од Ковид-19, капацитетот забрзано се пополнува, па оттука бил направен план за обезбедување на дополнителни болнички капацитети.

„Најпрво во болницата во Козле, 40 кревети за кои што има кадар кој таму може да работи, појачан со колеги од Инфективната клиника, една колешка е веќе таму и практично ја организира работата, и припремата на целокупните капацитети. Уште две одделенија се спремаат во болницата ‘8-ми Септември’, со кадарот кој што таму работи. Во текот на денот треба тој план да го заокружиме за да биде спремен и тој дел, се надевам дека ќе се најде соодветен начин да не се загрози останатиот дел од работата“, рече Филипче.

Како што додаде тој, исполнети се и болничките и инфективни одделенија и во другите градови. Во комуникација со болницата во Куманово, пациентите се праќаат во Скопје, додека во болницата во Штип се прави комуникација со болницата во Кочани за сместување на пациенти.

„Во болницата во Струмица, во текот на овие следни два-три дена ќе се обезбеди целосното функционирање на новиот крак, каде што има централен довод на кислород, тука ќе можат да бидат сместени вкупно 100 пациенти, во моментов има 20-тина на инфективниот оддел, и околу 15 на одделот за интерни болести. Дополнителен капацитет во болницата во Битола се обезбедува на интерното одделение и исто така во болницата во Прилеп.

Во Охрид исто така се менаџира со интерното одделение, тука има слободни кревети, нешто поголем број на исписи имаше во болницата во Гостивар и одделението таму е полупразно, значи може да се сместуваат пациенти доколку треба, во Тетово на располагање се дополнителен број од 100тина кревети, во моментов се сместени 26 пациенти“, посочи Филипче.

Притоа потенцираше дека ова, како што рече, не значи ништо, заради тоа што е многу важен кадарот.

„Се мобилизираат лекарите интернисти од самите болници, за да може да помогнат во лекувањето на овие пациенти, а тука кај нас во Клинички центар, за поддршка на Инфективната клиника, повеќе клиники од интерните гранки, како и институтот за белодробни заболувања, кој што практично број од кадарот го намени да биде на помош на колегите на Инфективната клиника“, рече Филипче.

На денешната седница на Владата, министерот посочи дека е ставена информацијата со која ќе се овласти ресорното министерство да потпише и посебен договор преку заеднички рамковен договор со Европската унија за набавка на лекот Ремдесивир. Со ова, освен преку Светската здравствена организација, лекот, како што најави министерот, ќе биде достапен и преку оваа набавка, која како што рече, се очекува да стигне за многу кратко време, односно, по потпишувањето на договорот. За ова, Филипче додаде дека средства обезбедило Министерството за финансии и дека лекот го обезбедува Европската унија преку Европската комисија.

Во петок пак, се очекува да стигне и најавената помош од 60 респиратори и лична заштита од НАТО. Во однос на измените на Законот за заштита на населението од заразни болести, меѓу кои се предлагаат мерки како задолжителното носење маски на отворено, Филипче рече дека верува дека сите пратеници се свесни за тежината на ситуацијата и дека брзо ќе го изгласаат законот, кој утре треба да се најде „на маса“ пред пратениците. Пред речиси една недела ваквите мерки „извисија“ во Собранието, откако главната опозициска партија ВМРО-ДПМНЕ побара дополнително време за да ги разгледаат.

„Заради што тој пакет на мерки кој е таму предложен, заедно со овој кој што е сега сила, практично се мерки кои, еве гледаме се користат и имплементираат и во други европски земји, и веруваме дека може значајно да го редуцираат преносот на вирусот. Во овој момент сметаме дека дополнителен пакет или друга форма на мерки не треба да се имплементираат, ниту да се препорачуваат. Уште еднаш, апел, сите да се придржуваат до овие мерки, така со сопствената одговорност ќе придонесат за тоа епидемијата да стивне“, рече Филипче.

Владата пред помалку една недела донесе одлука со која се ограничи работното време на угостителските објекти до 23 часот, освен за оние кои вршат достава, а дополнително одлучи да се ограничи капацитетот на шатници во возилата на јавниот превоз на 50% од вкупниот број на патници предвидени во едно возило.

Во текот на вчерашниот ден во земјава беше регистриран рекорден број на починати од Ковид-19, дури 22 лица. Бројот на активни случаи во земјава сега изнесува 7.408 лица, додека вкупната бројка на дијагностицирани од почетокот на епидемијата изнесува 26.954 лица.

Continue Reading
Click to comment

Leave a Reply

Your email address will not be published. Required fields are marked *

Македонија

Генералниот секретар на ВМРО – ДПМНЕ, Ѓорѓија Сајкоски назначен за Претседател на Републичкиот изборен штаб за претстојните локални избори

Published

on

Извршниот комитет на ВМРО-ДПМНЕ го назначи Генералниот секретар Ѓорѓија Сајкоски за Претседател на Републичкиот изборен штаб за претстојните локални избори

Почитувани,

Извршниот комитет на ВМРО-ДПМНЕ на денешната седница разговараше на актуелни теми, усвои неколку кадровски решенија и донесе неколку заклучоци.

Извршниот комитет го назначи генералниот секретар Ѓорѓија Сајкоски за Претседател на Републичкиот изборен штаб за претстојните локални избори.

Воедно, извршниот комитет разговараше за актуелната политичко-економска ситуација во Република Македонија, каде што потенцираше и заклучи дека државата тоне во секој поглед, институциите се крахирани со изгубена доверба кај граѓаните, а пандемијата ги коси граѓаните заради неспособноста на власта.

Во Република Македонија владее непочитување на правото и заштита на криминалот од страна на власта, додека пак наместо криминалците, во затворите гнијат неправедно затворени граѓани. Извршниот комитет донесе заклучок да го поддржи настанот најавен на 25 април, кој не е во наша организација, а по повод неправедно затворените уставобранители со драконски казни. Овој настан треба да помине во демократски и мирен чин. Воедно и потенцираме дека се оградуваме од секакви инциденти доколку произлезат од уфрлени провокатори на истиот настан.

Извршниот комитет ја анализираше актуелната ситуација за справување со пандемијата, но и економските неуспеси на власта, како и бројните криминални афери, со што уште еднаш заклучи дека како никогаш до сега на Република Македонија и граѓаните потребна и е експертска Влада која ќе ја избави државата од кризата во која ја втурна СДСМ и власта.

Извршниот комитет најостро ги осудува последните случувања, потенцирајќи ка аферата “Мафија”, која произлегува од криминалното работење на власта. Фрапирани сме и затечени за криминалната настроеност, воедно и со каква леснотија власта на СДСМ ја направи Република Македонија прибежиште и картел на мафијаши. Власта на СДСМ од Република Македонија направи мафијашка држава, а на чело на државата владее картелот Заеви кој е вмешан во секој криминал кој се случува. Во најбрз можен рок бараме одговорност од власта за аферата “Мафија”, но и за целиот овој криминал за кој сме сведоци периодов, додека пак оставките се неизбежни, а кривичната одговорност треба да биде испорачана.

Continue Reading

Македонија

Млада Албанка интелектyaлка yдpи по Д У И: Влaдaта не изневepи, нашите албански функционepи два пати

Published

on

Итражувачот од Институтот за Демократија Влора Речица ја коментира неспособноста на власта и посебно албанските функционери во Владата да се справат со здравствената криза и го открива своето лошо чувство што дел од Албанците во Македонија немаат никакви политички претставници во власта

“Владата не успеа воопшто, но нашите албански претставници во владата и парламентот двапати не успеаја. Наместо да се занимаваат со здравствена и економска криза, тие се занимаваат со политички поенти 🤮

Лошо чувство кога сте без никакво застапување во државните органи”, пишува Речица отворајќи го во албанската јавност прашањето за одговорност на ДУИ за состојбите во Македонија и за дискриминација на тие Албанци кои не се гласачи на ДУИ.

Continue Reading

Македонија

Николоски: “Со закани не поминуваат, ќе продолжам да објавувам криминални афери”

Published

on


Во одговор на новинарско прашање денеска потпретседателот на ВМРО-ДПМНЕ Александар Николоски при посетата на Јегуновце, во врска со прашањето за аферата од 200 милиони евра кој тој ја обелодени во јавноста за „Шик Јелак“ и бизнисменот Миодраг Давидовиќ – Дака, рече дека криминалот царува во Македонија, како и дека добил закани за да не го обелоденува скандалот, за кој сега се гледа дека бил направен криминал вреден 200 милиони евра од функционери на СДСМ и ДУИ.



-Ако гледам од лична перспектива голема е сатисфакцијата затоа што точно е дека прв кој во јавноста излезе за тоа што ќе се случува во Тетово и кој криминал се спрема, но тоа беше негирано тогаш, а сега гледаме дека истото се потврдува, вели Николовски.

Тој посочи во одговорот дека ако ја гледаме суштината факт е дека криминалот царува во Македонија, како и дека идеалите и идеите застануваат таму каде што започнуваат парите, а чесно ги слушаме ДУИ како велат што мислат за србите, што мислат за случувањата во Косово, но кога доаѓа екстремен бизнисмен во Македонија со торба пари за Теута Арифи и Советот на Тетово завршува се и тогаш започнуваат да се корумпираат, но истото важи и за СДСМ и за Зоран Заев.

-Од една страна на Зоран Заев устата му е полна со геостратешките интереси на Македонија коишто ние како ВМРО-ДПМНЕ силно ги поддржуваме, но од друга страна на еден од најголемите екстремисти на Балканот којшто користи црни пари за финансирање на екстремизам му овозможуваат бизнис од 200 милиони евра, истакна Николоски.

Николоски посочи дека кога тој го обелоденил скандалот станувало збор за црни пари од фирми во Панама, па сфатиле по тоа дека се извадени на чисто и нема поента да се кријат и затоа отидоа преку фирмата на Дака во Црна Гора.

Кај мене закани не поминуваат и ќе продолжам да објавувам криминални афери! Одговорност ќе има! Ќе одговораат со новата Влада на ВМРО-ДПМНЕ!

Continue Reading

Трендинг