Connect with us

Uncategorized

Британските научници утврдиле: Нема траен имунитет кај лицата кои закрепнале од Ковид-19, антителата брзо исчезнуваат

Published

on

Научници од лондонскиот Империјал Колеџ утврдиле дека количината на антитела на коронавирусот во човечкиот организам драстично се намалува по закрепнувањето од заразата, а антителата се клучни за имунитет на било кој вирус.

Истражувачите воочиле дека бројот на оние кои имаат антитела се намалил за 26 отсто од јуни до септември оваа година. Според тоа, заклучокот е дека имунитетот слабее и дека постои можност со вирусот да се заразиме повеќе пати. 

Во истражувањето биле опфатени повеќе од 350.000 луѓе во Англија. Во првиот циклус на истражувањето од крајот на јуни до почетокот на јули, кај 60 од 1.000 луѓе било утврдено присуство на антитела. Во последниот циклус на истражувањето, спроведено во септември, само 44 луѓе од 1.000 имале антитела. Бројот на оние кои имале антитела од летото до есента бил намален за повеќе од четвртина.

„Имунитетот прилично брзо опаѓа и во трите месеци од првиот циклус на истражувањето идентификувавме дека бројот на оние кои имаат антитела се намалил за 26 отсто“, вели истражувачката Хелен Вард.

Најголем пад се случил кај лицата постари од 65 години и оние кои имале изразени симптоми, што не било случај кај луѓето кои биле помлади и кои немале симптоми. Меѓутоа, присутноста на поголема количина антитела била забележана кај здравствените работници, а се претпоставува дека причина за тоа е што тие често се изложени на вирусот.

Веќе се потврдени случаи во кои луѓе по втор пат се заразувале од коронавирус, но научниците се надеваат дека заразата вториот пат ќе биде со поблаги симптоми бидејќи очекуваат организмот да ја активира „имунолошката меморија“ во борба против вирусот.

Авторите на ова истражување порачале дека откритијата до кои тие дошле не ја намалуваат надежта во ефикасноста на вакцината против коронавирусот, пренесува „BBC“.

Continue Reading
Click to comment

Leave a Reply

Your email address will not be published. Required fields are marked *

Uncategorized

Мутација откриена летово кај охриѓанец сега доминира меѓу заболените од ковид-19

Published

on

Од почетокот на пандемијата досега се анализирани близу 180 вирусни геноми при што е утврдено присуство на околу 20 соеви на вирусот во земјава.

Министерството за здравство информира дека заклучно со 11 јануари 2021 година не е утврдено присуство на SARS-CoV-2 вирусот од Велика Британија во нашата земја. Овие наоди се базирани на податоците од лабораторијата на ИЦГИБ-МАНУ добиени при анализа на геномите на близу 180 SARS-CoV-2 вируси кај пациенти од Македонија дијагностицирани во периодот јуни 2020 – 11 јануари 2021 година.Во лабораторијата во Македонска академија на науките и уметностите (МАНУ) се врши секвенционирање на целиот геном на вируси детектирани кај пациенти со ковид-19 од нашата земја со цел да се утврдат соевите на вирусот кои циркулираат во нашата популација, начинот на нивното ширење и можната корелација со различната клиничка презентација на болеста. Последните податоци се однесуваат на анализа на 50-тина геноми во периодот декември 2020 – 11 јануари 2021 година.

Од почетокот на пандемијата досега се анализирани близу 180 вирусни геноми при што е утврдено присуство на околу 20 соеви на вирусот.Соевите се изолирани од пацинети од различни градови од земјата. Од присутните соеви на вирусот, два (B.1.1 и B.1.1.70) се доминантни во нашата популација, присутни кај >75% од пациентите. И двата соја се присутни од почетокот на пандемијата, од кои B.1.1 сојот (присутен во цела Европа, а со највисока застапеност во Грција, Италија, Австрија, Шведска, Турција, Русија, итн.) има стабилна фреквенција, додека фреквенцијата на B.1.1.70 сојот (присутен со повисока фреквенција во Србија, Хрватска, Косово) се зголемува во последните месеци и во моментот е доминантен кај анализираните пациенти.Ова зголемување кај B.1.1.70 сојот корелира со присуство на дополнителна мутација (Q677H) во -S-генот (spike протеинот) на вирусот која е за првпат детектирана во јуни 2020 кај пациент со ковид-19 од Охрид и овој варијантен сој е доминантен од месец ноември наваму во нашата земја. Истиот во меѓувреме е детектиран со ниска фреквенција и во неколку други земји, меѓу кои Швајцарија и Данска. И покрај тоа што не се направени функционални испитувања на оваа варијанта, согласно епидемилошките податоци за стивнување на епидемијата во нашата земја во последниот период, се претпоставува дека варајантниот сој не е поврзан со зголемена трансмисивност ниту пак со тежината на клиничката слика на заболените.

Continue Reading

Uncategorized

Денеска повторно магливо, утринска температура под нулата, максимална дневна до 18 степени

Published

on

Во утринските часови по котлините долж Повардарието ќе биде магливо, а околу пладне и рано попладне маглата ќе се намали. Во останатиот поголем дел од земјава сончево со мала до умерена облачност.

Утринската температура ќе се движи од минус 4 до 3, а дневната од 9 до 18 степени.

Во Скопје, магливо, околу пладне и рано попладне маглата ќе намали. Утринската температура ќе се спушти до нула, а дневната ќе достигне до 13 степени.

Во следните денови ќе преовладува стабилно и суво време со слаб ветер што ќе услови појава на магла и ниска облачност по одделни котлини, особено во ноќните и претпладневните часови.

Continue Reading

Uncategorized

ВО ИТАЛИЈА ЗА ЕДЕН ДЕН РЕГИСТРИРАНИ 580 СМРТНИ СЛУЧАИ

Published

on

Во Италија во изминатите 24  часа регистрирани се над 35.000 новозаразени со Ковид-19 и 580 смртни случаи.

Во Ломбардија во изминатото деноноќие пријавени се 11.000 инфицирани луѓе со новиот коронавирус.

Италијанските медиуми објавија дека забрзано се пополнуваат одделенијата за интензивна нега, каде во моментот се згрижени речиси 3.000 пациенти.

Директорот на италијанскиот Висок институт за здравство (ВИЗ), Силвио Брусаферо изјави дека заострените мерки, што се во сила од минатата недела ги даваат првите резултати. Тој истакна  дека клучно за да се запре ширењето на заразата е индивидуалното однесување односно придржувањето  до основните мерки на заштита – физичка дистанца, избегнување на собири и лична хигиена.

Continue Reading

Трендинг