Connect with us

Живот

Големо истражување: Дали маските помагаат во заштита од короната

Published

on

Научниците од Институтот за медицина на Универзитетот во Токио денес ги објавија резултатите од важната студија за ефикасноста на маските во заштитата од вирусот корона, што ја спроведоа во соработка со експерти од универзитетот Кејо и медицинскиот центар Сендаи.

Ова е единствена студија, прва во светот во која не е само механичко следење на ширењето на капки и аеросоли ослободени за време на кашлањето, туку вирусот корона всушност беше користен во симулацијата на кашлицата, пренесуваат медиумите.

Имено, внатре во херметички затворена стаклена кутија, примероци од вирусот беа исфрлани од устата на една кукла со брзина со која се шират капките кога луѓето кашлаа кон лицето на друга кукла, во чија уста се наоѓа силиконско црево со мерен инструмент, прикачен на машината за вештачко дишење која го вовлекуваше воздухот со вирус во тоа црево.

Резултатите од студијата предводена од професорот Јошихиро Каваока покажуваат дека ако некое лице кое кашла не носи маска, тогаш обичните памучни маски на растојание од половина метар ја намалуваат количината на инхалиран вирус за само 17 проценти (кога станува збор за капки) и 37 проценти во случај на суви аеросоли).

Хирушките маски имаат подобар резултат во намалување на преносот, спречувајќи околу 47 отсто од капките или 50 отсто од аеросолите.

Најдобра се покажа маската од типот N-95, која ја намали количината на вдишени капки за 57 проценти и на аеросолите за 86 проценти, додека нејзиниот подтип, кој не остава никаков отворен простор од страните, го намали преносот за дури 79 и 90 проценти.

Меѓутоа, ако некое лице кое кашла носи маска, а примателот не, резултатите во заштитата се многу подобри – памучните маски елиминираат 76 отсто од капките и 57 отсто од аеросолите, хируршките маски спречуваат ширење на 73 отсто од капките или 58 отсто од аеросолите, додека полабав тип Н-95 намалува околу 95 проценти од едните и другите.

Кога маската Н-95 цврсто ќе се залепи за лицето, тогаш вирусот воопшто не стигнал до другата личност на растојание од половина метар.

Ова јапонско истражување исто така покажа дека маските не можат целосно да ги заштитат оние што ги носат од заразено лице кое кашла без маска, и дека, во однос на превенцијата, маските значат многу повеќе ако ги носат оние кои имаат вирус.

Треба да се има на ум дека, иако вирусот поминува низ маската и предизвикува зараза, текот на болеста може да биде многу полесен затоа што луѓето кои носат маски, внесуваат помала количина на вирус отколку оние кои не ги носат.

Јапонски научници затоа предупредуваат дека маските помагаат, но не обезбедуваат целосна безбедност од вирусот корона, кој досега официјално заразил повеќе од 40 милиони луѓе во светот, доколку ги носи само едно лице во затворено, но дека нивото на заштита драматично се зголемува кога маските ги носат сите луѓе, особено кога станува збор за хируршки маски и Н-95 маски.

Тие исто така нагласуваат дека ефективноста на маските се намалува доколку не се поставени правилно на лицето.

Continue Reading
Click to comment

Leave a Reply

Your email address will not be published. Required fields are marked *

Живот

Новак Ѓоковиќ секое утро го започнува со оваа напивка: Неверојатно моќна комбинација што го зајакнува целиот организам!

Published

on

И Египќаните го користеле целерот како лек, а истражувањата покажале дека овој зеленчук навистина е одличен производ и извор на голема количина на витамини и минерали. Содржи витамини К, Е, Ц и Б. Богат е со калциум и со фолна киселина, а има и силно диуретичко дејство.

Може да се јаде свеж, но доколку не сте љубители на вкусот на овој зеленчук, можете да направите и сок. Еднакво добро ќе влијае врз организмот.

Дури и Новак Ѓоковиќ секое утро го започнува со оваа напивка. Во една пригода, на своите следбеници на Инстаграм им открил дека верува дека токму овој сок е заслужен за неговото добро здравје.

„Добро утро на сите. Значи, вака јас го започнувам секој мој ден. Најпрво, земам малку топла минерална вода со лимон и лимета. Потоа, отворам фрижидер, каде што чувам зелени стебленца целер. Ги ставам во соковник за ладно цедење за да добијам сок од целер.

Овој сок е полн со минерали, соли и сè уште неоткриени елементи кои го прочистуваат црниот дроб. Прави чуда, како за мене и мојата сопруга, така и за нашите деца. Но тие не го пијат чист, туку со додаток сок од краставица или јаболко“, открил Новак.

А еве што вели науката и спроведените истражувања. Зошто целерот е толку добар и зошто треба редовно да се најде на вашето мени:

Може да го снижи крвниот притисок

Целерот содржи фталид, соединение кое го намалува производството на хормонот за стрес, ги опушта мускулите околу артериите и ја подобрува циркулацијата. Калиумот што го има во целерот ги стабилизира отчукувањата на срцето и го снижува крвниот притисок.

Може да го регулира нивото на холестерол

Бутилфталидот е единствено соединение кое помага во одржувањето нормално ниво на холестерол, а сето тоа придонесува за добра функција на срцето.

Continue Reading

Живот

Починала глумицата Даринка Чалениќ, легендарната Дара од „Жикина династија“

Published

on

Актерката Даринка Дара Чалениќ починала на 87-годишна возраст, по долго и тешко боледување.
Погребот ќе се одржи со најблиското семејство, во Нови Сад.
Дара Чалениќ е родена на 18. јули 1934. година во Нови Сад, каде што завршила основно училиште, средно училиште и Гимназија за глума на Српскиот народен театар. Првиот ангажман го добила во 1949. година во Националниот театар во Краjљево, потоа се преселила во театрите во Ужице и Сомбор, а во 1954 година станала член на Српскиот народен театар во Нови Сад.


Таа се преселила во Современиот театар во Белград во 1960. година, а во 1964. година во Југословенскиот драмски театар. Во 1974. година, таа станува хонорарен уметник. Во 1988. година, таа се повлекла.
Дара Чалениќ на сцената играла повеќе од 40. главни улоги, и глумела во многу драмски претстави, разни серии, забавни и детски програми на телевизија. Таа играше голем број улоги во филмот, а на пошироката јавност и е позната по улогата на Дара во „Жикина династијата“.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Continue Reading

Живот

МНТ подготвува два нови проекти

Published

on

На сцената на МНТ во тек се подготовките на два проекти поддржани од Годишната програма на Министерството за култура на РСМ за 2021 година.

Претставата „Само глас” од Нина Плавањац е во режија на Марјан Неќак, кој воедно е автор на музиката, сценограф и дизајнер на светло. Во неа играат првенците на МНТ, Звездана Ангеловска и Никола Ристановски, а премиерната изведба се очекува кон крајот на мај 2021 година.

„Само глас” е приказна за силна и талентирана  жена, која преку ниска постапка го доживува најпонижувачкиот момент во својот живот, борејќи се за сопствениот идентитет. Позната е само Таа, бидејќи во нејзината личност се измешани повеќе архетипови: на ќерка, на дете, на жена, на љубовница, на ѕвезда, на протагонистка и на антагонистка.

Вториот проект е „Митре Стрелата во земјата на чудата “/ „Тибам Штркот” од Зоран Спасов-Ѕоф, работен според еден од најчитаните текстови во 2008 година. Овој текст ќе ја доживее својата праизведба во режија на Јордан Симонов, а главниот лик го игра Александар Микиќ. Насловот на претставата е инспириран од животната сторија на јунакот Митре Стрелата во Канада. Како што вели авторот, ова дело е обид да се види Канада со македонски очи, но и да се доживее со космополитска душа, да се доловат измешаните чувства на љубов, среќа, тага, радост, носталгија… Ракописот е пишуван на скопски сленг, во лајт варијанта – дијалект што сè помалку се зборува, полека изумира и го снемува од скопските улици.

Continue Reading

Трендинг