Connect with us

Живот

Едно јапонско јаболко на ден и не ви треба лекар

Published

on

Јапонското јаболко е слатко есенско-зимско овошје. Бојата може да варира од светложолта, преку портокалова до темноцрвена. Може да се каже дека е вистински извор на здравје.

Јапонските јаболка се одличен извор на диетални влакна бидејќи содржат 6 грама влакна во 1 овошје (24% од препорачаната дневна доза). Диететските влакна се клучни за слабеењето затоа што го забрзуваат варењето и го намалуваат апетитот.

Пријател на имунолошкиот систем. Едно јапонско јаболко содржи 12,6мг витамин Ц, што сочинува 21% од препорачаната дневна доза на овој витамин. Јадењето овошје богато со витамин Ц го зајакнува имунитетот, го штити организмот од инфекции и слободни радикали.

Здравје на срцето. Едно јапонско јаболко на ден и не ви треба лекар. Дали е јапонско јаболко подобро од јаболко? Неодамнешна студија покажа дека јапонските јаболка содржат високо ниво на диетални влакна, минерали и фенолни соединенија кои се клучни во борбата против атеросклерозата (главната причина за срцевите заболувања). Научниците тврдат дека високата содржина на влакна, феноли, минерали го прават јапонското јаболко многу пожелно во антиатеросклеротична диета.

Добар вид. Ова вкусно овошје покрај витамините А, Ц и К, одличен извор е и на зеаксантин. Овие антиоксиданти, честопати нарекувани „витамини за очи“, ги штитат очите од болести кои се карактеристични за постарите лица, како што се катаракта и дегенерација на макулата, со намалување на ефектите од оксидативниот стрес.

Превенција од рак. Јапонското јаболко е полно со антиоксиданти како витамини А, Ц и К. Антиоксидансите го штитат организмот од ефектите на оксидативниот стрес што може да помогне во зајакнување на имунитетот и да се одбрани од болести. Последиците од оксидативниот стрес честопати се поврзани со хронични болести како што се срцеви заболувања и разни видови на рак.

Варење. Јапонското јаболко е богато со диетални влакна, што е клучно за добро функционирање на дигестивниот тракт. Диететските влакна го стимулираат варењето и помагаат при проблеми со запек стимулирајќи ги цревата, што резултира со исфрлање на штетни токсини од организмот.

Continue Reading
Click to comment

Leave a Reply

Your email address will not be published. Required fields are marked *

Живот

Новак Ѓоковиќ секое утро го започнува со оваа напивка: Неверојатно моќна комбинација што го зајакнува целиот организам!

Published

on

И Египќаните го користеле целерот како лек, а истражувањата покажале дека овој зеленчук навистина е одличен производ и извор на голема количина на витамини и минерали. Содржи витамини К, Е, Ц и Б. Богат е со калциум и со фолна киселина, а има и силно диуретичко дејство.

Може да се јаде свеж, но доколку не сте љубители на вкусот на овој зеленчук, можете да направите и сок. Еднакво добро ќе влијае врз организмот.

Дури и Новак Ѓоковиќ секое утро го започнува со оваа напивка. Во една пригода, на своите следбеници на Инстаграм им открил дека верува дека токму овој сок е заслужен за неговото добро здравје.

„Добро утро на сите. Значи, вака јас го започнувам секој мој ден. Најпрво, земам малку топла минерална вода со лимон и лимета. Потоа, отворам фрижидер, каде што чувам зелени стебленца целер. Ги ставам во соковник за ладно цедење за да добијам сок од целер.

Овој сок е полн со минерали, соли и сè уште неоткриени елементи кои го прочистуваат црниот дроб. Прави чуда, како за мене и мојата сопруга, така и за нашите деца. Но тие не го пијат чист, туку со додаток сок од краставица или јаболко“, открил Новак.

А еве што вели науката и спроведените истражувања. Зошто целерот е толку добар и зошто треба редовно да се најде на вашето мени:

Може да го снижи крвниот притисок

Целерот содржи фталид, соединение кое го намалува производството на хормонот за стрес, ги опушта мускулите околу артериите и ја подобрува циркулацијата. Калиумот што го има во целерот ги стабилизира отчукувањата на срцето и го снижува крвниот притисок.

Може да го регулира нивото на холестерол

Бутилфталидот е единствено соединение кое помага во одржувањето нормално ниво на холестерол, а сето тоа придонесува за добра функција на срцето.

Continue Reading

Живот

Починала глумицата Даринка Чалениќ, легендарната Дара од „Жикина династија“

Published

on

Актерката Даринка Дара Чалениќ починала на 87-годишна возраст, по долго и тешко боледување.
Погребот ќе се одржи со најблиското семејство, во Нови Сад.
Дара Чалениќ е родена на 18. јули 1934. година во Нови Сад, каде што завршила основно училиште, средно училиште и Гимназија за глума на Српскиот народен театар. Првиот ангажман го добила во 1949. година во Националниот театар во Краjљево, потоа се преселила во театрите во Ужице и Сомбор, а во 1954 година станала член на Српскиот народен театар во Нови Сад.


Таа се преселила во Современиот театар во Белград во 1960. година, а во 1964. година во Југословенскиот драмски театар. Во 1974. година, таа станува хонорарен уметник. Во 1988. година, таа се повлекла.
Дара Чалениќ на сцената играла повеќе од 40. главни улоги, и глумела во многу драмски претстави, разни серии, забавни и детски програми на телевизија. Таа играше голем број улоги во филмот, а на пошироката јавност и е позната по улогата на Дара во „Жикина династијата“.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Continue Reading

Живот

МНТ подготвува два нови проекти

Published

on

На сцената на МНТ во тек се подготовките на два проекти поддржани од Годишната програма на Министерството за култура на РСМ за 2021 година.

Претставата „Само глас” од Нина Плавањац е во режија на Марјан Неќак, кој воедно е автор на музиката, сценограф и дизајнер на светло. Во неа играат првенците на МНТ, Звездана Ангеловска и Никола Ристановски, а премиерната изведба се очекува кон крајот на мај 2021 година.

„Само глас” е приказна за силна и талентирана  жена, која преку ниска постапка го доживува најпонижувачкиот момент во својот живот, борејќи се за сопствениот идентитет. Позната е само Таа, бидејќи во нејзината личност се измешани повеќе архетипови: на ќерка, на дете, на жена, на љубовница, на ѕвезда, на протагонистка и на антагонистка.

Вториот проект е „Митре Стрелата во земјата на чудата “/ „Тибам Штркот” од Зоран Спасов-Ѕоф, работен според еден од најчитаните текстови во 2008 година. Овој текст ќе ја доживее својата праизведба во режија на Јордан Симонов, а главниот лик го игра Александар Микиќ. Насловот на претставата е инспириран од животната сторија на јунакот Митре Стрелата во Канада. Како што вели авторот, ова дело е обид да се види Канада со македонски очи, но и да се доживее со космополитска душа, да се доловат измешаните чувства на љубов, среќа, тага, радост, носталгија… Ракописот е пишуван на скопски сленг, во лајт варијанта – дијалект што сè помалку се зборува, полека изумира и го снемува од скопските улици.

Continue Reading

Трендинг