Connect with us

Свет

Отфрлена австралиската вакцина против корона: Испитаници биле лажно позитивни на ХИВ

Published

on

Отфрлена австралиската вакцина против корона: Испитаници биле лажно позитивни на ХИВ

Австралиските власти го отфрлија кандидатот за вакцина против коронавирус, откако учесници биле лажно позитивни на ХИВ.

На вакцината, која не ја надмина првата фаза од клиничките испитувања, работеле Универзитетот Квинсленд и австралиската биотехнолошка компанија ЦСЛ. Австралија се надевала дека оваа вакцина ќе биде достапна до средината на 2021 година.

Во изјавата на ЦСЛ се вели дека кај 215 учесници во клиничките испитувања не биле забележани сериозни несакани ефекти и дека се покажало дека вакцината има „силен безбедносен профил“. Сепак, за време на анализата на податоците, експертите откриле дека антителата генерирани од вакцината ја попречувале дијагнозата на ХИВ и довеле до лажни позитивни резултати на некои тестови за ХИВ.

Доколку вакцината се администрира на национално ниво, пишува ЦСЛ, тоа во Австралија може да доведе до бран на лажно позитивни тестови за ХИВ, пишува Си-ен-ен.

„Контролните тестови потврдија дека кај испитаниците немало ХИВ вирус. Не постои можност вакцината да ја предизвика оваа инфекција“, се додава во соопштението.

Иако Австралија превентивно во октомври нарачала 51 милион дози од вакцината на компанијата ЦСЛ, премиерот Скот Морисон утрово пред новинарите изјави дека вакцината „повеќе нема да биде дел од астралисата програма за вакцини против ковид-19“.

Тој објасни дека Австралија инвестирала во четири ветувачки вакцини, но дека „во ниту една фаза не сметалe дека сите четири ќе поминат низ целиот процес“.

Покрај вакцината на Универзитетот Квинсленд, Австралија нарачала 73,8 милиони дози од вакцините на Астра Зенека и Нововакс. Министерот за здравство Грег Хант рече дека Австралија сега ќе нарача дополнителни 20 милиони дози од Астра Зенека и 11 милиони од Нововакс.

За да биде одобрена, вакцината мора да помине низ три фази на клинички испитувања. Првата фаза вклучува мал број испитаници, обично помеѓу 20 и 100 (или ретко неколку стотици) и со неа се одредува прелиминарна проценка на безбедноста и ефективноста на вакцината. Во втората фаза, ефикасноста на вакцината се тестира на поголем број испитаници, обично помеѓу 50 и 300, и се анализираат различни методи на имунизација, односно администрација на дози. Третата фаза вклучува најголем број учесници – од стотици до десетици илјади; во зависност од болеста за која се развива лекот или вакцината. Во овој момент, одреден кандидат се споредува со плацебо за да се испита реалната ефикасност на развиената вакцина или лек и дополнително се тестира безбедноста и се утврдуваат несаканите ефекти.

Continue Reading
Click to comment

Leave a Reply

Your email address will not be published. Required fields are marked *

Свет

Во ковид-пасошот нема да може да влезе вакцина што не е одобрена од ЕУ

Published

on

Европратеничката Тања Фајон рече дека Европската Унија има строги законски регулативи за одобрување и сертифицирање на вакцините и дека е очигледно дека ковид-пасошите на Унијата нема да можат да препознаат вакцина што сè уште не е одобрена од Европската агенција за лекови (ЕМА).

„Ниту една кинеска компанија сè уште не поднела барање за одобрување… Доколку биде одобрена, руската вакцина би можела да биде вклучена во верзијата на ковид-пасош на ЕУ“, изјави Фајон за Нова.рс.

Доколку се усвои таков предлог, голем број граѓани што биле вакцинирани со кинеска и руска вакцина нема да можат да ги добијат таканаречените „ковид-пасоши“ на ЕУ.

„Очекувањата се дека Комисијата ќе го усвои својот предлог за ковид-пасоши дури оваа недела. Бидејќи сè уште го нема на маса, не можам да го коментирам. Сепак, цврсто верувам дека мора да сториме сѐ што е во наша моќ за да се вратиме во нормала што е можно побрзо. Верзијата на ковид-пасош на ЕУ може да биде само едно од решенијата за полесно патување и преминување на границата“, вели Фајон за Нова.рс.

Таа вели дека останува убедена дека таквата иницијатива мора да остане недискриминаторска, како и дека мора да се почитуваат правото на поединецот за заштита на податоци и приватност. Како што посочува, постојат стандарди за квалитет, безбедност и ефикасност што треба да се почитуваат и да се земат предвид.

„Што се однесува на признаените вакцини, ЕУ има строги законски регулативи за одобрување и сертифицирање на вакцините. Очигледно е дека верзијата на ЕУ за ковид-пасош не може да препознае вакцина што сè уште не е одобрена од ЕМА. Особено кога станува збор за кинески вакцини, ниту една компанија од Кина не поднесе барање за одобрување на пазарот. Затоа, ваквите вакцини не можат да се разгледуваат во ЕУ“, наведува Фајон.

Сепак, таа потсетува дека ЕМА ја разгледува усогласеноста на руската вакцина Спутник V со вообичаените стандарди на ЕУ, кога станува збор за ефикасноста, безбедноста и квалитетот и наведува дека тоа се проверува од 4 март годинава.

„Дури откако ЕМА ќе ја одобри вакцината Спутник V, таа ќе може да се вклучи во шемата за пасоши на ЕУ“, вели Фајон.

Continue Reading

Свет

Учебна година во Грција: Учениците од денеска до 29 март на онлајн настава

Published

on

Во наредните две седмици, почнувајќи од денеска, ќе бидат затворени сите основни и средни училишта во Грција и онлајн настава ќе следат и учениците во деловите од земјата каде што претходно се одржуваше редовна настава со физичко присуство, јави дописничката на МИА од Атина.

Одлуката беше соопштена во петокот, по препораката на Комисијата на епидемиолози од Министерството за здравство на Грција, а во сила е до 29 март, кога, доколку дозволат епидемиолошките податоци, се очекува учениците да се вратат во училишните клупи.

Грција, согласно епидемиолошката слика во секој од регионите е поделена во две зони темноцрвена („многу зголемена опасност”) и црвена („зголемена опасност”), а до петокот, учениците од основните и дел од средните училишта во црвената зона следеа настава со физичко присуство.

Continue Reading

Свет

Шведска и Кипар привремено го запреа вакцинирањето со АстраЗенека

Published

on

Шведска и Кипар објавија дека привремено ја запираат вакцинацијата против ковид-19 со вакцината АстраЗенека, додека експертите предупредуваат дека одлуката може да биде „катастрофа“.

„Шведската агенција за јавно здравје одлучи да ја суспендира вакцината АстраЗенека сè додека Европската агенција за лекови (ЕМА) не ги испита сомнителните несакани ефекти“, се вели во соопштението на здравствената агенција.

Данска и Норвешка пријавија изолирани случаи на крварење, згрутчување на крвта и мал број на тромбоцити по вакцинирањето со вакцината АстраЗенека.

Шведската агенција за лекови во понеделникот соопшти дека меѓу луѓето вакцинирани со вакцината АстраЗенека, во 10 случаи е пријавено дека луѓето имаат згрутчување на крвта, и во еден случај дека едно лице има низок број на тромбоцити, но не во комбинација.

Главниот шведски епидемиолог Андерс Тегнел за шведскиот ТВ4 изјави дека сега се појавиле некои нови несакани ефекти.

„Некои луѓе добија тромбови во различни делови од телото, додека некои пријавија мало крварење на кожата. Ова е прилично сериозно нарушување“, рече Тегнел.

И Венецуела објави дека нема да ја одобри вакцината.

Германија, Франција и Италија во понеделникот соопштија дека ќе престанат да ја користат вакцината на АстраЗенец, откако неколку земји пријавија сериозни несакани ефекти, а Светската здравствена организација соопшти дека нема докази за поврзаност.

Професор по експериментална медицина на Империјал колеџ во Лондон изјави дека одлуката за привремено прекинување на вакцинацијата со вакцината АстраЗенека може да биде „катастрофа“.

„Мислам дека е катастрофа за вакцинациите во Европа, што во некои земји е на некаков несигурен терен“, рече тој.

Тој рече дека оние што имаат намера да примат вакцина не треба да се грижат и додаде дека е јасно дека придобивките од вакцинацијата ги надминуваат можните грижи за прилично ретка појава на тромб.

Европската агенција за лекови (ЕМА) претходно соопшти дека испитува „одреден број“ случаи на коагулација на крв кај луѓе кои примиле вакцина, истакнувајќи дека таа сепак може да се користи.

„Додека трае нејзината истрага, ЕМА останува на ставот дека придобивките од вакцината АстраЗенецин во превенцијата на ковида-19, која носи ризик од хоспитализација и смрт, го надминуваат ризикот од несакани ефекти“, европскиот регулатор кажа.

За четврток е најавен вонреден состанок, на кој ЕМА ќе одлучи дали вакцинацијата ширум ЕУ ќе биде прекината со АстраЗенека.

АстраЗенека во неделата објави дека внимателна анализа на сите достапни безбедносни податоци од повеќе од 17 милиони луѓе вакцинирани во Европската унија и Велика Британија со својата вакцина ковид-19 не покажа докази за зголемен ризик од белодробна емболија, длабока венска тромбоза или тромбоцитопенија, но земјите очигледно на податоците на АстраЗенека не им веруваат до крај.

Continue Reading

Трендинг