Connect with us

Спорт

ЛАЗАРОВ ПРЕД ЕГИПЕТ: ПОКАНАТА ЗА СП ЈА ДОЖИВЕАВ ЕМОТИВНО, РЕПРЕЗЕНТАЦИЈАТА Е ДЕЛ ОД МОЈОТ ЖИВОТ

Published

on

Македонската ракометна репрезентација ги пакува куферите за Египет. Нашиот надобар национален тим по откажувањето на Чешка на Мундијалот влезе како прва резерва, ќе игра против Шведска, Египет и Чиле.

На ова Светско првенство ќе настапиме со големи промени во составот, селекторот Данило Брестовац одлучи да им даде шанса на помладите играчи, кои својата сила на теренот ќе ја „црпат“ од најдобриот.

Капитенот, Кирил Лазаров и на ова големо натпреварување ќе го носи дресот на Македонија. Веќе на големо се зборува за неговото повлекување, па сите и фановите на ракометот и генерациите кои допрва треба да прераснат во носители на играта, посакуваат магијата на македонската гол-машина да трае уште подолго.

Египет за Лазаров е посебен. Пред 22 години, токму во оваа земја на 19 години настапи на СП. Од 1999 година, прерасна во најдобар стрелец на големите натпреварување, Кире го држи рекордот како најдобар стрелец во историјата на СП.

Во разговор за СПОРТМЕДИА вели вчерашната информација дека Македонија ќе биде дел од Мундијалот ја доживеал емотивно.

„Вчерашната информација дека добивме покана за настап на Светскоот првенство по малку ја доживеав емотивно. Мојата репрезентативна кариера на големите натпреварувања почна баш во Египет во 1999 година. Некои од нашите сегашни играчи не биле родени тогаш (се смее). Неблагодарно е да се зборува пред СП што би следувало потоа. Оваа репрезентација е дел од мојот живот на која што сум член и ѝ служам од 1997 година на мои 17 години“, ни изјави Лазаров.

Капитенот се имал чвуство дека Македонија сепак ќе биде меѓу најдобрите репрезентации во светот, според него оваа покана е сосема заслужена.

„Иако бевме во неизвесност до последен момент, после одлуката на ИХФ дека Македонија е прва резерва, имав чувство дека ќе одиме на Светско првенство. Се најдовме во група во која што можеме да играме против секого. Се надеваме на позитивен резултат, вака треба да се поставиме пред секој натпревар.

Во втората фаза вкрстуваме со група на репрезентации кои во минатото сме ги победувале, што пак е дополнително психолошко олеснување за оваа репрезентација.

Со оглед на рејтингот на оваа репрезентација која го градевме последните 10-15 години мислам дека поканата од ИХФ е заслужена и ние треба максимално да ја искористиме“.

За да продолжиме да чекориме успешно и во континуитет да настапуваме на големите првенства, мора да се има доверба во младите сили на теренот. Капитенот вели дека не е лесно да бидеш подобар од претходната генерација, на овие момци им е потребна поддршка.

„Ретко кој верува во новата генерација која доаѓа. Со ваквиот пристап се создава дополнителен притисок, со кој не е лесно да се носите. Потребно е многу разговор и комуникација со нив за да можат да се ослободат од тој товар.

Многу е тешко кога треба да наследите и да бидете подобар од претходната генерација во која што играле ракометари од калибарот на Мојсовски, Миркуловски, Лазаров и итн…

Во последните 10 дена, ние играчите создадовме одлична атмосфера во тимот, како и голема меѓусебна почит. На вчерашниот тренинг по добиената покана се чувствуваше огромно задоволство што ќе бидеме дел од Светскиот ракометен врв“.

Кире и на ова првенство, го одржи рекордот по постигнати голови. Во 2009 година на СП запиша 92 погодоци.

Continue Reading
Click to comment

Leave a Reply

Your email address will not be published. Required fields are marked *

Спорт

Куман: Меси е најважниот човек во историјата на Барселона

Published

on

Лионел Меси уште еднаш беше човек на одлука за Барселона, поточно беше најзаслужен за славјето над Уеска од 4-1 во Примера.

Аргентинецот даде два гола со една асистенција и со тоа на најдобар можен начин го одбележа мечот на кој се израмни со Чави Ернандез по бројот на настапи во дресот на каталонскиот гигант. Воедно Меси ја мина бројката од 20 постигнати голови во Ла Лига и со тоа стана единствениот ас кој 13 сезони во низа имал ваков учинок во најквалитетното шпанско фудбалско натпреварување.

-Мислам дека Меси покажа дека е најдобар. Првиот гол беше фантастичен. Тој заслужува да биде важен за овој тим. Не знам што друго да кажам за Лео. Нивото на кое беше толку многу години, толку многу натпревари. Тој се изедначи со Чави и во основа ќе го надмине во недела. Тој е најважниот човек во историјата на овој клуб. За среќа тој е сè уште со нас, -истакна тренерот Роналд Куман.

Барселона сега е на минус четири од Атлетико Мадрид, а до крајот остануваат уште 11 кола.

-Бодовите што ги загубивме пред неколку недели…добро реагиравме. Тимот е самоуверен. Ние сме во добра форма и се бориме. Не можеме да изгубиме повеќе поени, бидејќи досега доста изгубивме. Отсекогаш сум велел дека има многу што да се игра. Секогаш е тешко за која било екипа да издржи, -порача Холанѓанецот.

Continue Reading

Спорт

Кире Лазаров: Среќен и горд сум за целата Македонија

Published

on

Ракометната репрезентација на нашата држава под водство на новиот селектор Кирил Лазаров дојде до голема победа над Данска со (33-29) во рамки на квалификациите за Европското првенство (ЕП) во 2022 година.

По дуелот во Скопје Лазаров испрати јавна благодарност до сите кои му дале поддршка на стартот и почетокот.

„Прво и основно, на стартот сакам да им се заблагодарам на моите играчи и во случајов моите соиграчи. Испочитуваа се што се договоривме. Благодарност до стручниот тим кој ме испочитува и ми помогна. Последните три-четири дена, иако е нов предизвик за мене ова, чувствував позитивна енергија. Не бев загрижен, туку спремен дури и да одиграме послабо и да загубиме, ама најважно ми беше она што договараме, да го покажеме. Момците го испочитуваа тоа и заврши како што заврши. Имавме храброст да почнам со генерација 96-98, верувам во нив. Многу се оспорувани некои од тие играчи, можеби психолошки им треба малку време да се кренат затоа што тие знаат да играат ракомет, јас сум сигурен во тоа. Јас сум цел живот „напаѓач“, ама инсистирав овие денови на „одбрана“. Малку беше смешно на сите што еден напаѓач инсистира на одбрана. Јас цел живот играм против добри одбрани и знам што значи. Среќен и горд сум за целата Македонија, затоа што многу со нас имале и добри ама и лоши моменти. Ама сум цврсто на земја, затоа што треба да работиме многу. Благодарност до целата македонска јавност, во 99% од случаите по назначувањето добив поддршка. Ама, ова е само почеток, јас знам што е спорт и го знам нашиот македонски менталитет. Најважно е да се пласираме официјално на Европското првенство 2022 и за понатаму ќе размислуваме“, рече Лазаров по натпреварот во Скопје.

Continue Reading

Спорт

Кузмановски: Лазаров дал многу за македонскиот дрес, не смееме да го разочараме!

Published

on

Македонската ракометна селекција вечерва отвора ново поглавје во својата историја, на чело со новиот селектор Кирил Лазаров. Во рамки од третото коло од квалификациите за Европското првенство, во Скопје ни гостува Данска, селекција која е актуелен светски шампион и несомнено е фаворит за првата позиција во нашата група. 

Лазаров со својот стручен штаб веќе пет дена ја крои тактиката за скандинавскиот противник, против кого нема што да загубиме. Еден нашите најдобри ракометари, Филип Кузмановски, вели дека Лазаров долги години посветувал многу внимание на помладите репрезентативци, па затоа сега е време тие да му се оддолжат и со многу труд и борбена игра да не дозволат да го разочараат.

„Додека беше само играч ни посветуваше многу време нам помладите. Често пати ќе нè советуваше, ќе ни кажеше каде грешиме, не нè упатеше по вистинскиот пат. Уште тогаш давеше многу од себе за Македонија, но и за да нè научи. Македонскиот дрес го носеше од срце и со љубов, така е и сега. Затоа, во ниту еден случај не смееме да бидеме комотни и опуштени, мора да го даваме и последниот атом од себе и да се бориме за секоја топка. Кога некој ќе биде толку многу посветен на работата, ние како играчи без разлика против кого играме, никако не смееме да го разочараме. Лазаров не го заслужува тоа“, ни изјави 24-годишниот бек.

mak-rakomet-trening-na-reprezentacija-na-makedonija-08032021-3229.jpg

Членот на Хановер вели во овој моменти мислите им се насочени на Данска, но секако и на Швајцарија и Финска, против кои ќе се борат за посакуваната виза на континенталниот собир.

„Наша цел е пласман на Европското првенство. Мислиме на двата натпревари со Данска, но секако и на Швајцарија и Финска. Одработивме квалитетни подготовки во кои научивме многу нови работи. Ова е некоја друга димензија, модерна. Уште од првиот тренинг со Лазаров почнавме да работиме на тактика. Малку ни е чудно што има две улоги, но веруваме дека ќе направиме еден добар план за во иднина и ако го почитуваме сите заедно, ќе напредуваме и Македонија ќе биде сериозна репрезентација. Ќе изградиме една позитивна атмосфера, во овој момент тоа е најважно. Покрај Лазаров мора да се спомене и посветеноста на неговите помошници, кои во секој момент се достапни за нас. Имаме одлични услови за работа, кои раководството на РФМ ни ги овозможува, па затоа сметам дека од собир во собир ќе бидеме многу поквалитетни и ќе успееме да ја оствариме зацртаната цел“, додава нашиот репрезентативен бек.

Првиот дуел против Данците го играме вечерва, со почеток од 20:00 часот, додека за три дена гостуваме во Алборг, каде ќе ја затвориме оваа ЕХФ недела.  

Continue Reading

Трендинг