Connect with us

Свет

Кина и Русија потпишаа договор за градење вселенска станица на Месечината

Published

on

Владите на Русија и на Кина, во присуство на претставниците на државните вселенски агенции, потпишале договор за изградба на нова заедничка вселенска станица на Месечината, а во проектот ќе може да учестуваат и други заинтересирани држави.

Како што пренесуваат медиумите, директорот на руската вселенска агенција Роскосмос, Дмитриј Рогозин, и шефот на кинеската Национална вселенска агенција (CNSA), Жанг Кеџијан, го потпишале меморандимот за развој на истажувачки објекти на површината на Месечината, во орбитата или заедно.

Договорот е потпишан во годината кога Русија се подготвува за одбележување на 60-годишнината од својот прв веселнски лет со човечки екипаж.

„Кина и Русија ќе ги употребат своите досегашни искуства во областа на вселенските науки, итражувања и развојот, и ќе ја користат вселенската опрема и технологија во заеднчката изработка на насоките за изградба на Меѓународната лунарна научноистражувачка станица“, се наведува во соопштението на Роскосмос.

Чен Лан, аналитичар специјализиран за кинеската вселенска програма, за AFP рекол дека проектот е „извонредно значаен“, бидејќи за Кина претставува најголемиот проект за меѓународна вселенска соработка.

„Соработка меѓу Роскосмос и CNSA ќе придонесе за јакнење во интеракцијата на научните истражувања и користењето на вселенскиот простор во мирољубиви цели во полза не целото човештво“, се истакнува во соопштението.

Во рамките на градење на Меѓународната научна вселенска станица со меѓународна кратенка MNSL, ќе биде изграден комплекс објекти за истражување и експерименти во орбитата или на површината на Месечината коишто ќе бидат осмислени за извршување низа мултидисциплинарни и повеќенаменски истражувачки активности, вклучително и „испитување на беспилотната технологија која на луѓето би им овозможила подолг престој на Месечината“.

Ова не е прв вселенски проект во кој заедно учестуваат Русија и Кина. Двете земји претходно потпишаа неколку договори кои се однесуваат на истражувања на Месечината и во Вселената.

„До денес во рамките на договорите во областа на истражувањето на Месечината и остатокот на космосот потпишани се и успешно се применуваат неколку договори со коишто се координираат активностите меѓу Русија и Кина, а се однесуваат на истражувањата на Месечината, Вселената и заедничкиот центар за собирање податоци од космосот“, се наведува во соопштението на Роскосмос.

Кина, за разлика од Русија и САД, релативно доцна ги започна своите вселенски истражувања, но во декември кинеската сонда „Chang’e-5“, успешно од Месечината донесе околу два килограма примероци од месечевата почва.

Continue Reading
Click to comment

Leave a Reply

Your email address will not be published. Required fields are marked *

Свет

Во ковид-пасошот нема да може да влезе вакцина што не е одобрена од ЕУ

Published

on

Европратеничката Тања Фајон рече дека Европската Унија има строги законски регулативи за одобрување и сертифицирање на вакцините и дека е очигледно дека ковид-пасошите на Унијата нема да можат да препознаат вакцина што сè уште не е одобрена од Европската агенција за лекови (ЕМА).

„Ниту една кинеска компанија сè уште не поднела барање за одобрување… Доколку биде одобрена, руската вакцина би можела да биде вклучена во верзијата на ковид-пасош на ЕУ“, изјави Фајон за Нова.рс.

Доколку се усвои таков предлог, голем број граѓани што биле вакцинирани со кинеска и руска вакцина нема да можат да ги добијат таканаречените „ковид-пасоши“ на ЕУ.

„Очекувањата се дека Комисијата ќе го усвои својот предлог за ковид-пасоши дури оваа недела. Бидејќи сè уште го нема на маса, не можам да го коментирам. Сепак, цврсто верувам дека мора да сториме сѐ што е во наша моќ за да се вратиме во нормала што е можно побрзо. Верзијата на ковид-пасош на ЕУ може да биде само едно од решенијата за полесно патување и преминување на границата“, вели Фајон за Нова.рс.

Таа вели дека останува убедена дека таквата иницијатива мора да остане недискриминаторска, како и дека мора да се почитуваат правото на поединецот за заштита на податоци и приватност. Како што посочува, постојат стандарди за квалитет, безбедност и ефикасност што треба да се почитуваат и да се земат предвид.

„Што се однесува на признаените вакцини, ЕУ има строги законски регулативи за одобрување и сертифицирање на вакцините. Очигледно е дека верзијата на ЕУ за ковид-пасош не може да препознае вакцина што сè уште не е одобрена од ЕМА. Особено кога станува збор за кинески вакцини, ниту една компанија од Кина не поднесе барање за одобрување на пазарот. Затоа, ваквите вакцини не можат да се разгледуваат во ЕУ“, наведува Фајон.

Сепак, таа потсетува дека ЕМА ја разгледува усогласеноста на руската вакцина Спутник V со вообичаените стандарди на ЕУ, кога станува збор за ефикасноста, безбедноста и квалитетот и наведува дека тоа се проверува од 4 март годинава.

„Дури откако ЕМА ќе ја одобри вакцината Спутник V, таа ќе може да се вклучи во шемата за пасоши на ЕУ“, вели Фајон.

Continue Reading

Свет

Учебна година во Грција: Учениците од денеска до 29 март на онлајн настава

Published

on

Во наредните две седмици, почнувајќи од денеска, ќе бидат затворени сите основни и средни училишта во Грција и онлајн настава ќе следат и учениците во деловите од земјата каде што претходно се одржуваше редовна настава со физичко присуство, јави дописничката на МИА од Атина.

Одлуката беше соопштена во петокот, по препораката на Комисијата на епидемиолози од Министерството за здравство на Грција, а во сила е до 29 март, кога, доколку дозволат епидемиолошките податоци, се очекува учениците да се вратат во училишните клупи.

Грција, согласно епидемиолошката слика во секој од регионите е поделена во две зони темноцрвена („многу зголемена опасност”) и црвена („зголемена опасност”), а до петокот, учениците од основните и дел од средните училишта во црвената зона следеа настава со физичко присуство.

Continue Reading

Свет

Шведска и Кипар привремено го запреа вакцинирањето со АстраЗенека

Published

on

Шведска и Кипар објавија дека привремено ја запираат вакцинацијата против ковид-19 со вакцината АстраЗенека, додека експертите предупредуваат дека одлуката може да биде „катастрофа“.

„Шведската агенција за јавно здравје одлучи да ја суспендира вакцината АстраЗенека сè додека Европската агенција за лекови (ЕМА) не ги испита сомнителните несакани ефекти“, се вели во соопштението на здравствената агенција.

Данска и Норвешка пријавија изолирани случаи на крварење, згрутчување на крвта и мал број на тромбоцити по вакцинирањето со вакцината АстраЗенека.

Шведската агенција за лекови во понеделникот соопшти дека меѓу луѓето вакцинирани со вакцината АстраЗенека, во 10 случаи е пријавено дека луѓето имаат згрутчување на крвта, и во еден случај дека едно лице има низок број на тромбоцити, но не во комбинација.

Главниот шведски епидемиолог Андерс Тегнел за шведскиот ТВ4 изјави дека сега се појавиле некои нови несакани ефекти.

„Некои луѓе добија тромбови во различни делови од телото, додека некои пријавија мало крварење на кожата. Ова е прилично сериозно нарушување“, рече Тегнел.

И Венецуела објави дека нема да ја одобри вакцината.

Германија, Франција и Италија во понеделникот соопштија дека ќе престанат да ја користат вакцината на АстраЗенец, откако неколку земји пријавија сериозни несакани ефекти, а Светската здравствена организација соопшти дека нема докази за поврзаност.

Професор по експериментална медицина на Империјал колеџ во Лондон изјави дека одлуката за привремено прекинување на вакцинацијата со вакцината АстраЗенека може да биде „катастрофа“.

„Мислам дека е катастрофа за вакцинациите во Европа, што во некои земји е на некаков несигурен терен“, рече тој.

Тој рече дека оние што имаат намера да примат вакцина не треба да се грижат и додаде дека е јасно дека придобивките од вакцинацијата ги надминуваат можните грижи за прилично ретка појава на тромб.

Европската агенција за лекови (ЕМА) претходно соопшти дека испитува „одреден број“ случаи на коагулација на крв кај луѓе кои примиле вакцина, истакнувајќи дека таа сепак може да се користи.

„Додека трае нејзината истрага, ЕМА останува на ставот дека придобивките од вакцината АстраЗенецин во превенцијата на ковида-19, која носи ризик од хоспитализација и смрт, го надминуваат ризикот од несакани ефекти“, европскиот регулатор кажа.

За четврток е најавен вонреден состанок, на кој ЕМА ќе одлучи дали вакцинацијата ширум ЕУ ќе биде прекината со АстраЗенека.

АстраЗенека во неделата објави дека внимателна анализа на сите достапни безбедносни податоци од повеќе од 17 милиони луѓе вакцинирани во Европската унија и Велика Британија со својата вакцина ковид-19 не покажа докази за зголемен ризик од белодробна емболија, длабока венска тромбоза или тромбоцитопенија, но земјите очигледно на податоците на АстраЗенека не им веруваат до крај.

Continue Reading

Трендинг