Connect with us

Македонија

Државно тестирање во мај

Published

on

Во втората половина на мај ќе се реализира национално или државно тестирање, кое ќе ги замени екстерните тестови што се полагаа до пред неколку години. Надлежните уверуваат дека резултатите од ова тестирање нема да влијаат на успехот на учениците, туку ќе се користат за креирање образовни политики. Елизабета Наумовска, директорката на Државниот испитен центар, вели дека и меѓународните тестирања се прават на хартија, а не онлајн.
– Тестирањето ќе се спроведе со физичко присуство за учениците од трето одделение, бидејќи тие и онака настава следат со доаѓање на училиште. И меѓународни тестирања кога се реализираат, се прават на хартија, а не на компјутер. Не само нашата држава туку и други држави во светот не се подготвени електронски да спроведат вакво тестирање, бидејќи треба да се обезбеди компјутер за секој ученик, треба силна и стабилна интернет-врска. Затоа тоа ќе го правиме некаде во втората половина на мај, кога ќе има поблагопријатни услови од сегашните, со одредени протоколи, со отворени прозорци, со помал број ученици внатре во училниците. Ќе бидат помалку деца, на одредена дистанца – вели директорката.

Таа истакна дека ова државно тестирање е сосема различно од екстерното тестирање.
– Со резултатите од ова тестирање ќе правиме анализи во однос на тоа какви се постигнувањата на учениците, кои се влијанијата и како да има подобрување во системот. Ќе има и анкетни прашалници, ќе се прави попродлабочена анализа за тоа зошто резултатите се такви какви што се. Учениците ќе се тестираат за јазични вештини и за математичка писменост, односно ќе имаат тест по мајчин јазик и по математика. Оваа година е само пилотирање, а од следната година државни тестови ќе има за третоодделенците, петтоодделенците и деветтоодделенците – рече Наумовска.
Македонските ученици веќе учествуваат на меѓународни тестирања, кои главно бараат критичко и логичко размислување, како и да се разбере тоа што се чита.
– Кај нас прашањата се фактографски, односно наставниците го бараат на тест она што е во учебникот. На државниот тест ќе имаат текст, па ќе треба да кажат што разбрале од него. Обучуваме и наставници што ќе ги прегледуваат тестовите.

Формирани се работни групи, кои ги направија прашањата, а наставниците што ги сочинуваат работните групи беа одбрани на конкурс. Поентата е да извршиме самоевалуација на нашиот образовен систем, пред да ги пуштиме учениците на меѓународно тестирање. Веќе ќе имаат искуство и ќе им биде познат ваквиот пристап – додава Наумовска.
Во пилот-тестирањето ќе учествуваат 4.000 ученици во трето одделение од училиштата низ државата што следат настава на македонски и на албански јазик, а ќе бидат избрани по случаен избор.

Основна цел на државното тестирање е преку користење стандардизирани процедури и инструменти да даде објективни и веродостојни податоци за остварувањето на стандардите на постигнувањата на учениците за наставни подрачја и наставни предмети од особена важност во текот на основното образование, информираат од Министерството за образование и наука.
– Ваквите податоци ќе обезбедат докази за развој и унапредување на образовните политики, во насока на достигнување на современите светски образовни стандарди. Резултатите од тестирањето, односно резултатите од тестовите на учениците нема да имаат никакво влијание врз нивните оценки, ниту пак реперкусии врз работата на наставниците. Едноставно, ќе се користат како индикатори во која насока треба да се креираат и менуваат образовните политики во иднина – појаснуваат оттаму.
Главното тестирање ќе се спроведе следната година.

Continue Reading
Click to comment

Leave a Reply

Your email address will not be published. Required fields are marked *

Македонија

Генералниот секретар на ВМРО – ДПМНЕ, Ѓорѓија Сајкоски назначен за Претседател на Републичкиот изборен штаб за претстојните локални избори

Published

on

Извршниот комитет на ВМРО-ДПМНЕ го назначи Генералниот секретар Ѓорѓија Сајкоски за Претседател на Републичкиот изборен штаб за претстојните локални избори

Почитувани,

Извршниот комитет на ВМРО-ДПМНЕ на денешната седница разговараше на актуелни теми, усвои неколку кадровски решенија и донесе неколку заклучоци.

Извршниот комитет го назначи генералниот секретар Ѓорѓија Сајкоски за Претседател на Републичкиот изборен штаб за претстојните локални избори.

Воедно, извршниот комитет разговараше за актуелната политичко-економска ситуација во Република Македонија, каде што потенцираше и заклучи дека државата тоне во секој поглед, институциите се крахирани со изгубена доверба кај граѓаните, а пандемијата ги коси граѓаните заради неспособноста на власта.

Во Република Македонија владее непочитување на правото и заштита на криминалот од страна на власта, додека пак наместо криминалците, во затворите гнијат неправедно затворени граѓани. Извршниот комитет донесе заклучок да го поддржи настанот најавен на 25 април, кој не е во наша организација, а по повод неправедно затворените уставобранители со драконски казни. Овој настан треба да помине во демократски и мирен чин. Воедно и потенцираме дека се оградуваме од секакви инциденти доколку произлезат од уфрлени провокатори на истиот настан.

Извршниот комитет ја анализираше актуелната ситуација за справување со пандемијата, но и економските неуспеси на власта, како и бројните криминални афери, со што уште еднаш заклучи дека како никогаш до сега на Република Македонија и граѓаните потребна и е експертска Влада која ќе ја избави државата од кризата во која ја втурна СДСМ и власта.

Извршниот комитет најостро ги осудува последните случувања, потенцирајќи ка аферата “Мафија”, која произлегува од криминалното работење на власта. Фрапирани сме и затечени за криминалната настроеност, воедно и со каква леснотија власта на СДСМ ја направи Република Македонија прибежиште и картел на мафијаши. Власта на СДСМ од Република Македонија направи мафијашка држава, а на чело на државата владее картелот Заеви кој е вмешан во секој криминал кој се случува. Во најбрз можен рок бараме одговорност од власта за аферата “Мафија”, но и за целиот овој криминал за кој сме сведоци периодов, додека пак оставките се неизбежни, а кривичната одговорност треба да биде испорачана.

Continue Reading

Македонија

Млада Албанка интелектyaлка yдpи по Д У И: Влaдaта не изневepи, нашите албански функционepи два пати

Published

on

Итражувачот од Институтот за Демократија Влора Речица ја коментира неспособноста на власта и посебно албанските функционери во Владата да се справат со здравствената криза и го открива своето лошо чувство што дел од Албанците во Македонија немаат никакви политички претставници во власта

“Владата не успеа воопшто, но нашите албански претставници во владата и парламентот двапати не успеаја. Наместо да се занимаваат со здравствена и економска криза, тие се занимаваат со политички поенти 🤮

Лошо чувство кога сте без никакво застапување во државните органи”, пишува Речица отворајќи го во албанската јавност прашањето за одговорност на ДУИ за состојбите во Македонија и за дискриминација на тие Албанци кои не се гласачи на ДУИ.

Continue Reading

Македонија

Николоски: “Со закани не поминуваат, ќе продолжам да објавувам криминални афери”

Published

on


Во одговор на новинарско прашање денеска потпретседателот на ВМРО-ДПМНЕ Александар Николоски при посетата на Јегуновце, во врска со прашањето за аферата од 200 милиони евра кој тој ја обелодени во јавноста за „Шик Јелак“ и бизнисменот Миодраг Давидовиќ – Дака, рече дека криминалот царува во Македонија, како и дека добил закани за да не го обелоденува скандалот, за кој сега се гледа дека бил направен криминал вреден 200 милиони евра од функционери на СДСМ и ДУИ.



-Ако гледам од лична перспектива голема е сатисфакцијата затоа што точно е дека прв кој во јавноста излезе за тоа што ќе се случува во Тетово и кој криминал се спрема, но тоа беше негирано тогаш, а сега гледаме дека истото се потврдува, вели Николовски.

Тој посочи во одговорот дека ако ја гледаме суштината факт е дека криминалот царува во Македонија, како и дека идеалите и идеите застануваат таму каде што започнуваат парите, а чесно ги слушаме ДУИ како велат што мислат за србите, што мислат за случувањата во Косово, но кога доаѓа екстремен бизнисмен во Македонија со торба пари за Теута Арифи и Советот на Тетово завршува се и тогаш започнуваат да се корумпираат, но истото важи и за СДСМ и за Зоран Заев.

-Од една страна на Зоран Заев устата му е полна со геостратешките интереси на Македонија коишто ние како ВМРО-ДПМНЕ силно ги поддржуваме, но од друга страна на еден од најголемите екстремисти на Балканот којшто користи црни пари за финансирање на екстремизам му овозможуваат бизнис од 200 милиони евра, истакна Николоски.

Николоски посочи дека кога тој го обелоденил скандалот станувало збор за црни пари од фирми во Панама, па сфатиле по тоа дека се извадени на чисто и нема поента да се кријат и затоа отидоа преку фирмата на Дака во Црна Гора.

Кај мене закани не поминуваат и ќе продолжам да објавувам криминални афери! Одговорност ќе има! Ќе одговораат со новата Влада на ВМРО-ДПМНЕ!

Continue Reading

Трендинг