Во рамки на засилените акциски контроли во областа на сообраќајот, што ги спроведува Министерството за внатрешни работи, на територија на град Скопје вчера биле изречени вкупно 313 казни.

Како што информираат од МВР, за возење без возачка дозвола санкционирани се 35 лица, 27 казни има за технички неисправни и нерегистрирани возила, 91  за непрописно паркирани возила и 54 казни за неносење заштитна маска.

Од МВР потсетуваат дека засилените сообраќајни контроли продолжуваат и во наредните денови и апелираат до граѓаните да ги почитуваат сообраќајните правила и прописи со цел зголемување на безбедноста во сообраќајот.

LEAVE A REPLY

Please enter your comment!
Please enter your name here