Грантови за туристичките агенции, рестораните за свадби и игротеките ќе се доделат во рамките на четвртиот пакет економски мерки за справување со коронакризата. Министерот за економија Крешник Бектеши денеска денеска ги презентираше петте мерки за поддршка на туристичко-угостителскиот сектор, во вредност од 7,5 милиони евра.

Со мерките се предвидува враќање на туристичка такса за 2019 на сите категоризирани угостителски објекти. Грантови ќе се доделат на туристички агенции, ресторани за свадби и игротеки кои претрпеле загуби во работењето поради коронакризата. Висината на грантовите ќе зависи од остварениот приход во 2019 и бројот на вработени. Грантови ќе добијат и лиценцирани туристички водичи и тоа во висина од три просечни плати, односно 65.000 денари за секој туристички водич.

Како што кажа Бектеши, за помошта ќе може да се аплицира до 27 ноември преку платформата „Дома си е дома“, a парите ќе бидат исплатени до крајот на годинава.

LEAVE A REPLY

Please enter your comment!
Please enter your name here